Наурызнама онкүндігі шеңберінде Бәйдібек ауданында 2000-нан астам адам тазалық жұмыстарына атсалысты, деп хабарлайды 24kz.

Олар Шаян ауылының кіреберісі мен ішкі көшелерін сыпырып, қыстан қалған қоқыстарды шығарды. Сынған ағаштар мен қураған шөптерді жинастырды. Боралдай мен Шаян өзендерінің жағасы тазартылды. Сонымен қатар жиналғандар екі жарым мың ағаш көшетін екті.

Тұрсынәлі Дүйсенбеков, Бәйдібек аудандық билер алқасының төрағасы:

- 14-інен бері әр күн сайын десек, артық айтпаймыз, ауыл адамдары, мекеме қызметкерлері, тіпті барлық саланың азаматтары өздерінің аулаларын, мекемелерін, жеке үйлерін ретке келтіріп, көшеміз әдемі болып қалды. Мінекей, әктеп жатыр. Ағаштарды бұтап жатыр. Жаңадан көшеттер отырғызылып жатыр. Осының бәрі ертеңгі біздің өсіп- өнуімізге, болашақ балаларымызға, соларға қалатын үлгі-өнеге.