Еліміздегі 130-дан аса ауыл мектебі арнайы жобаға қатысуда, деп хабарлайды 24kz.

Бастама аясында шалғайдағы білім ошақтарының мұғалімдеріне әдістемелік қолдау көрсетіледі. Жоба ауыл мектептеріндегі білім сапасын арттыруға бағытталып, оның нәтижелері елордада өткен республикалық әдістемелік интенсивте таныстырылды. Шараға еліміздің түкпір-түкпірінен 500-ден аса педагог шақыртылған. Басқосу барысында ұстаздар білім беру ісіндегі бірқатар маңызды мәселелерді ортаға салды. Мұнымен қоса, мамандар арнайы топтық дәрістерге қатысып, бір-бірімен пікір алмасып, тәжірибе бөлісті.

Толқын Айдосова, «Назарбаев зияткерлік мектептері» ДББҰ орталық директоры міндетін атқарушы:

- Осы жобаға қатысушы 135 мектептің педагогтеріне арналған үлкен шара. Бұл жерде ауыл мектептеріне осы жоба аясында өзінің бірнеше жыл жинақтаған тәжірбиесін бөлісуге мүмкіндік береді. Негізінде ауыл мектептерінде 135 мектепте 2 бағыт бойынша жұмыстар жүргізіледі. Біріншісі – мектептің инфрақұрылымын жақсарту, жаюдықтау.