Таиландта зілзала құрбандарының саны 10 адамға жетті, деп хабарлайды 24kz.

Тағы 20-ға жуығы жараланған. The Associated Press басылымының хабарлауынша, 100-ден аса адам із-түзсіз жоғалып кеткендер қатарында. Ел астанасы Бангкокта төтенше жағдай тәртібі жарияланған. Табиғат апаты салдарынан салынып жатқан 30 қабаттық ғимарат опырылып құлаған. Үйінділер астында ондаған адам болуы мүмкін. Негізі зілзала ошағы көрші Мьянмада тіркелді. Магнитудасы 7,7-ге дейін жетті. Соның салдарынан онда 150-ге жуық адам қайтыс болды. Тағы 700-ден астамы жарақат алған. Іздестіру-құтқару жұмыстары жалғасып жатыр. Жерасты дүмпулері Таиланд пен Мьянмадан бөлек Бангладеш, Үндістан, Лаос пен Қытайда да сезілді.