«Ұмай» бағдарламасы екінші жарты жылдықта іске қосылады .

Әйелдер ипотекасын Азия даму банкі қаржыландырады.

Жалпы «Ұмайдың» игілігін 3 мыңнан астам қыз-келіншек көрген. Баспаналы болу үшін оларға бас-аяғы 40 млрд теңгеден аса қаражат бөлінген. Бүгінде бағдарлама кімге тиімді екені белгілі. Отбасы банк өз клиенттерінің портретін жасақтады. Оған сай қарыз алушылардың басым бөлігі балалы және тұрақты табысы бар адамдар. Олар құны 10 млн-нан 20 млн теңгеге дейінгі баспананы рәсімдей алады. Жалпы бұл ипотеканы 30-дан 40 жасқа дейінгі әйелдер алған.

Ләззат Ибрагимова, «Отбасы банкінің» Басқарма төрағасы:

- Отбасы банк әйелдерді қолдауға ерекше көңіл бөледі. Біз Қазақстандағы әрбір әйелдің өз үйінде өмір сүріп, отбасына жылулық пен жайлылық сыйлауға мүмкіндік беретін жағдайдың болуына ықпалдасқымыз келеді. Себебі әйел – отбасылық ошақтың қамқоршысы, біз олардың тәуелсіздігін, экономикалық белсенділігі мен теңдігін қолдауымыз қажет.