Дональд Трамп Владимир Зеленскийді сирек металдар бойынша келісімді бұзбақшы деп сынады.

Мұны АҚШ басшысы бұқаралық ақпарат құралдарына берген сұхбатында айтты. Оның сөзінше, Украина президенті НАТО мүшесі болуға ниетті. Алайда Америка президенті мұны ешқашан қолдай алмайтынын жеткізген.

Ақ үй басшысы Владимир Зеленскийге сирек металдар бойынша құжат бекімесе, жағдайы қиындай түсетінін де ескертіпті. Трамп Украина президентінен қарулы қақтығыс басталғалы АҚШ берген ақшаны көк тиынын қалдырмай, қайтарып беруін талап еткен. Алайда Зеленский әу баста келісім олай болған жоқ, қаржы бізге "әскери көмек" ретінде берілген, дейді.