Түркістан облысында алты жыл бойы халықаралық іздеуде жүрген 40 жастағы ер адам ұсталды, — деп хабарлайды Massaget.kz тілшісі.

Күдікті есірткіні заңсыз сатуға байланысты қылмыс жасағаны үшін 2019 жылдан бері іздеуде болған. Ол адамның бетін тану функциясы бар FaceID смарт камерасының көмегімен ұсталды.

Қазір полиция жедел тергеу іс-шараларын жүргізіп жатыр.

"Ұсталған ер адам уақытша ұстау изоляторына қамалды. Болған оқиғаның барлық мән-жайы анықталады", — деді Түркістан облысы ПД өкілі.

Айта кетейік, жыл басынан бері Түркістан облысының полицейлері іздеуде жүрген 22 қылмыскерді, оның ішінде халықаралық іздеуде жүрген 10 адамды қолға түсірген.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!