0:00:00

Жаңалықтарды Telegram арнамыздан оқыңыз !

Түркияның Анталия провинциясында қар жауды. Анталия мен Кония қалаларын жалғайтын тас жолдың бойындағы Алашабел асуы қар құрсауында қалды. Түнгі сағат он бірлер шамасында басталған қар бірнеше сағат тоқтамай жауып, оның қалыңдығы кей жерлерде 30 сантиметрге дейін жетті. Мұндай тосын ауа райын күтпеген көптеген жүргізуші жолда қалып, қарға батып қалған көліктерді құтқарушылардың көмегімен ғана шығарып алды. Арнайы қызметтер бірнеше сағат жол тазалап, мұз қатқан жерлерге тұз септі. Өткен аптада ғана жаз мезгіліндей ыстық болып тұрған Анталияға кенеттен қар жаууы ғаламдық жылынудың әсері, дейді мамандар.

Айдос Әшімұлы