Берлиндегі «Шарите» клиникасының зерттеушілері ми ісіктерін диагностикалауда айтарлықтай серпіліс жасап, эпигенетикалық маркерлер арқылы ісік түрін 99,1 % нақтылықпен анықтай алатын жасанды интеллект жүйесін әзірледі, деп хабарлайды El.kz интернет порталы.
Бұл технология күрделі, ота жасауға келмейтін жағдайларды инвазивті емес тәсілмен анықтауға жол ашады. Жұмыс нәтижелері Nature Cancer (NatCancer) журналында жарияланған.
Жүйе гистологиялық кесінділерді зерттемей-ақ, ісік ДНҚ-сындағы бірегей эпигенетикалық модификацияларды талдайды. Зерттеу жетекшісі доктор Филипп Ойскирхеннің айтуынша, бұл молекулалық «саусақ ізі» ісікті жұлын сұйықтығынан да дәл анықтауға мүмкіндік береді, бұл ота жасауға қауқарсыз науқастар үшін аса маңызды. crossNN әртүрлі органдардың 170-тен аса ісік түрін 97,8 % нақтылықпен ажыратып, шешім қабылдау процесінің ашықтығын сақтайды – клиникалық қолдану үшін бұл басты талап.
Оқи отырыңыздар:
- Енді қатерлі ісікпен ауыратындардың өмірі екі есе ұзарады
- Жерде күшті магниттік дауыл басталды
Әдіс көздері қос көрінген пациентті тексеру кезінде дәлелденді: ликвор талдауы орталық жүйке жүйесінің лимфомасын анықтап, науқасқа дереу мақсатты химиотерапия басталды. Дәрігер Серен Лукассен модельдің қарапайым архитектурасына қарамастан, оның дәлдігі күткеннен де жоғары болғанын атап өтті. Ғалымдар енді Германиядағы сегіз онкологиялық орталықта технологияны кең ауқымды клиникалық сынақтан өткізуді жоспарлап отыр.
