Ресей бүгін Украинаға тағы 1200 әскери қызметкердің мәйітін тапсырды, деп хабарлайды 24kz.

Кеше де Мәскеу 1200, ал бірнеше күн бұрын 1212 жауынгердің денесін қайтарған. Бұл 2 маусымда Ыстамбұлда өткен келіссөздің екінші раунды кезіндегі келісім аясында жасалып отыр. Ол кезде Ресей Украинаға 6 мың әскери қызметкердің мәйітін тапсыратынын айтқан. Бұдан бөлек, кездесу қорытындысы бойынша тараптар ауыр жараланған тұтқындармен алмасуға да келіскен. Екі жақ бүгін сол процесті бастап кетті.