Иранның Ислам революциясы сақшылар корпусы сәрсенбіге қараған түні зымыран шабуылы нәтижесінде Иран Израильдің әуе кеңістігін толық бақылауға алғанын мәлімдеді, — деп хабарлайды Massaget.kz тілшісі РИА Новости басылымына сілтеме жасап.

"Бүгінгі зымыран шабуылы біз басып алған аумақтардың аспанын толық бақылауға алғанымызды және оның тұрғындары ирандық зымыран шабуылдарынан мүлдем қорғансыз екенін көрсетті", — деп жазылған хабарламада.

Иран түнде екі рет Израильге зымыран соққысын жасады. Израильдің зымыран туралы ескерту жүйесінің мәліметі бойынша дабыл елдің орталық бөлігіндегі ондаған қала мен елді мекенінде іске қосылған.

Ирандық БАҚ мәліметінше, сәрсенбіге қараған түнде басталған шабуыл кейінгі күндердегі ең күшті әрі ауқымды шабуылдардың бірі болып отыр.

Еске салайық, бұған дейін Иран Израильге қарсы зымыран соққыларының жаңа легін бастағаны хабарланды. Оған қоса Петах-Тиква және Тель-Авив қалалаларындағы көп қабатты ғимараттарға зымыран соққысы жасалғаны айтылды.

Өзекті жаңалықтарды өз уақытында оқу үшін Facebook парақшамызға жазылыңыз!