Қазгидромет 28, 29, 30 маусымға арналған ауа райы болжамын жариялады, — деп хабарлайды Massaget.kz тілшісі.

Ел аумағының басым бөлігіндегі ауа райына циклон және атмосфералық фронтальды бөлімдер әсер етеді. Соның әсерінен жаңбыр жауып, найзағай ойнайды, ал еліміздің батысында, солтүстік-батысында, солтүстігінде, шығысында және орталығында бұршақ жауып, күшті жаңбыр жаууы мүмкін.

"Республиканың оңтүстігінде және оңтүстік-шығысында негізінен жауын-шашынсыз ауа райы сақталады. Сонымен қатар, жел күшейеді, елдің оңтүстік өңірлерінде шаңды дауыл соғуы мүмкін", — деп жазылған хабарламада.

Ауа температурасы айтарлықтай өзгермейді: күндіз термометр бағандары батыс, солтүстік-батыс және солтүстік аймақтарда 18-28 градус жылыны, орталық және шығыс өңірлерде 20-33 градус жылыны, ал оңтүстік және оңтүстік-шығыс бөліктерде 27-38 градус жылыны көрсетеді.

Аптаның басты оқиғалары мен пайдалы видеоларды көру үшін YouTube арнамызға жазылыңыз