Алматы облысы Қарасай ауданындағы «Тұрар бақшасы» елді мекенінде жасырын есірткі зертханасы анықталып, 11 келіден астам мефедрон тәркіленді, деп хабарлайды 24kz.

Синтетикалық есірткі өндірумен айналысқан көрші елдің екі азаматы ұсталып, қамауға алынды. Тәркіленген синтетикалық есірткінің көлемі 35 мың доза, құны 1,6 млн долларды құрайды. Сондай-ақ тінту кезінде 115 келі психотроптық зат пен екі тоннадан астам прекурсор тәркіленді. Күдіктілер оларды өңдеу арқылы 120 келі синтетикалық есірткі дайындауды жоспарланған. Бұл іс бойынша тергеу жұмыстары жүріп жатыр.