Ел үздіктері Талғарға жиналды. Алматы облысында көкпардан жасөспірімдер арасындағы Қазақстан чемпионаты басталды, деп хабарлайды 24kz.

Жылдың басты жарысына 14 команда жиналды. Алғашқы күні жеребе тарту рәсімі ұйымдастырылды. Нәтижесінде жоғарыдағы командалар 4 топқа бөлінді. Бүгін осы топтық кезең аясындағы бірінші кездесулер өтеді. Қостанай мен Алматы облысының, Жамбыл мен Қарағанды облысының, Ақтөбе мен Қызылорда облысының командалары өзара мықтыны анықтайды. Маңғыстау облысы Алматы қаласымен, Түркістан облысы Шымкент қаласымен кездеседі. Бұған қоса, Батыс Қазақстан облысы және Ұлытау облыстары жолығады. Жасөспірімдер арасындағы жарыс 5 күнге созылады. Яғни, жалпы қорытындысы 23 тамызда белгілі болады. Одан кейін алдағы айларда командалық көкпардан жастар және ересектер арасындағы ішкі біріншіліктер ұйымдастырылады.