Оралда «Жас сақшы» кадет сыныбы ашылды. Оған мектеп -лицейдің 22 оқушысы қабылданды. Жеткіншетер арнайы бағдарлама негізінде құқықтық білім мен патриоттық тәрбие алады. Бұл бастама жас буынды Отанға қызмет етуге үндейді. Жауапкершілік пен заңды құрметтеуге баулиды.

Кадет сыныбына қызметтік міндетін атқару кезінде қаза тапқан полиция аға сержанты Мәлік Рушановтың есімі берілді. Тәртіп сақшысы 1995 жылы Ақсай қаласындағы банкке жасалған қарулы шабуылды тойтарамын деп оққа ұшқан болатын. Кадет сыныбының ашылуына ішкі істер органдарының ардагерлері, марқұмның туыстары және қоғам белсенділері қатысты.

Жанель Амантай, «Жас сақшы» кадет сыныбының оқушысы:

- Бұл форманы кигеннен кейін заңға бағынып жүреміз және бізге мектептің оқушыларына үлкені болсын, кішісі болсын үлгі болуымыз қажет деп ойлаймын. Болашақта заң қызметкері болғым келеді және біздің әлемде барлығы әділ болғанын қалаймын.

Қуат Қарағойшиев, БҚО Полиция департаменті бастығының орынбасары

- Басты мақсатымыз — жастарға патриоттық тәрбие беру. Елімізге адал қызмет етуді үйрету. Соның шінде мына құқық қорғау саласында оның ішінде полиция органдарының жұмысымен таныстыру. Болашақта осы сыныптан тәрбие алған, оқып шыққан оқушыларға жоғары оқу орындарына түсіру, соның ішінде Ішкі істер министрлігінің оқу орындарына түсу кезінде жеңілдіктер берілетін болады.