Алматыда өртенген балалар үйін жөндеу жұмыстары үш ай ішінде аяқталуы мүмкін. Бұл туралы Бала құқықтары жөніндегі уәкіл Динара Зәкиева мәлімдеді, — деп хабарлайды Massaget.kz тілшісі.

Динара Зәкиева Instagram парақшасында "Перзент" балалар үйінде тұратын балалармен кездескенін айтты.

"Өрт шыққан ғимараттағы жөндеу жұмыстарын үш ай ішінде аяқтау жоспарланып отыр", – деп жазды ол желіде.

Омбудсменнің айтуынша, балалар уақытша шипажайда, барлық жағдай жасалған.

"Қазір барлығы — 29 бала, себебі алтауын ата-аналары алып кетті. Бірнеше күн ішінде оларды мектепке жақын орналасқан қордың басқа ғимаратына көшіреді", — деді Зәкиева.

Еске салайық, 9 қарашада Наурызбай ауданы Алтын Орда көшесі, 6а мекенжайында орналасқан "Перзент" жекеменшік балалар үйі аумағында өрт шықты.

Аптаның басты оқиғалары мен пайдалы видеоларды көру үшін YouTube арнамызға жазылыңыз