Қостанайдағы AGROMASH зауыты жылына 2000-ға дейін астық сепкіш техника шығаруды жоспарлап отыр, деп хабарлайды 24kz.

Бүгін елордада өткен халықаралық көрмеде, аталған жобаны жүзеге асыру туралы келісімге қол қойылды.

Бүгін қазақстандық фермерлер мен шаруалар үшін тарихи күн. отандық AGROMASH компаниясы мен ресейлік Л-АГРО өзара келісімге келіп, маңызды құжаттарға қол қойды. Енді заманауи озық технологияның көмегімен астық сепкіш дәнді-дақылдар өндіріледі.

Николай Пархоменко, AGROMASH зауытының директоры:

- AGROMASH холдинг пен Л-АГРО зауыттары арасындағы өнеркәсіптік кооперация Қазақстан нарығын жылдық 2 мың бірлік көлеміндегі әмбебап дәнектермен қамтамасыз етуге мүмкіндік береді. Яғни, шаруалар үшін өте тиімді. Бұрынғы «Целинсельмашта» өндірілген дәнек Қазақстанға қайтып оралды десек болады.

Андрей Будников, Л-АГРО ЖШҚ құрылтайшысы:

- AGROMASH зауытына бізге сеніп, келісімшартқа қол қойғандары үшін алғысымыз шексіз. Одан бөлек, Қазақстанның Ауыл шаруашылығы министрлігіне және өнеркәсіп пен құрылыс саласының өкілдеріне бізге көрсеткен қолдауы үшін алғыстан басқа айтарымыз жоқ. Біздің техника Қазақстанға белігілі. Сондықтан фермерлер мен өнім өндірушілерге мол пайда әкелетініне сенімдімін.

Мамандардың айтуынша, қазір техниканың бұл түріне сұраныс жоғары. Екі ірі компанияның бірлесіп әзірлеген жобасы шаруалардың қажеттілігін толықтай жабады.

Азат Сұлтанов, ҚР Ауыл шаруашылығы министрінің орынбасары:

- AGROMASH компаниясы Ауыл шаруашылығы министрлігінің өтінішіне тез жауап беріп, аз уақыт ішінде техника өндіруші тараппен жобаны жүзеге асырып жатыр. Біз осы уақытқа дейін нарықты зерттеп, талдау жүргіздік. Яғни, ауыл шаруашылығында қандай маркалы техникалар сұранысқа ие деген секілді сұрақтарға жауап іздедік. Нәтижесінде бүгін аталған мәселе қаралып, қол қойылды. Биыл Мемлекет басшысының тапсырмасы бойынша жеңілдікті лизинг бағдарламасының бюджеті 200 млрд теңгеге ұлғайтылды. Өздеріңіз көргендей, қабылданған шаралар өз нәтижесін беруде.

Алдағы егіс науқанына дейін жүздеген астық сепкіш техника шығару жоспарланып отыр. Сәйкесінше, шаруалар оны жеңілдетілген лизинг арқылы және 30% субсидиялау бағдарламасы арқылы сатып алуға мүмкіндігі бар.

Авторлары: Мерей Қанапия, Мұрат Әріпхан