Ол аудандық ауруханада ем қабылдап жатыр.

Оқиға 14 наурыз күні облыстық маңызы бар Дөң – Бадамша – Ақтөбе – Орск тасжолында болды. Патрульдік полиция қызметінің "Хюндай-Элантра" көлігі УАЗ автокөлігімен соқтығысты, деп хабарлайды inbusiness.kz сайты.

– Тұманды күні жол қауіпсіздігін қамтамасыз ету үшін патрульге шыққан. Сол кезде жол апатына ұшырап, жарақат алды, ауруханаға түсті. Қазір осы оқиғаға қатысты тексеру жүріп жатыр, – деп хабарлады Ақтөбе облыстық Полиция департаментінің баспасөз қызметі.

Ақтөбе облыстық денсаулық сақтау басқармасы баспасөз қызметінің хабарлауынша, науқас Қарғалы аудандық ауруханасында жатыр. Жағдайы орташа ауыр.