Мажарстан бірқатар талап қойып отыр.

Мажарстанның премьер-министрі Виктор Орбан X әлеуметтік желісіндегі парақшасында Еуропалық одақ басшылығына бірнеше талап қойды, деп хабарлайды inbusiness.kz сайты.

"Венгрия халқы Брюссельден нені талап етеді? Бейбітшілік, еркіндік және бірлік болсын", — деп жазды Виктор Орбан.

Бірінші талап – "Еуропа ұлттарын" құру. Одан кейін ЕО мүшелерінің барлық елдері үшін заң алдындағы теңдік талап етілді. Венгрия премьер-министрі ұлттардан заңсыз алынған өкілеттіктерді қайта қалпына келтіруді, сондай-ақ ұлттық егемендік пен үкіметтер үшін мықты вето құқығын талап етті.

Бұдан бөлек ол мигранттарды қабылдамау қажеттігін айтты. Талаптар тізімінде "америкалық миллиардер Джордж Соростың агенттерін комиссиядан шығару" және Еуропарламенттен "жемқор лоббистерді аластау" да бар.

Мажарстан үкіметінің басшысы Еуроодақ елдеріне парақорлық жолымен келген доллар мен еуро ағынын тоқтатуды, "балаларды табиғи емес жолмен қайта тәрбиелеуге" тыйым салуды және "Еуропаның христиандық мұрасын қорғауды" талап етті.

"Біз Еуропада бейбітшілікті талап етеміз. Одақ Украинасыз болуы тиіс", — деп қорытындылады Орбан.

Сөзінше, Еуроодақ жетекшілері Украинаға көмектесудің орнына, оны отарлауға тырысқысы келеді. Осылайша ол Брюссельдің Украинаны Еуроодаққа қосу ұсынысына Мажарстанның неге жоқ деп айтқанын түсіндірді.

"Империя Украинаға көмектескісі келмейді, оны отарлағысы келеді. Отарлаудың құралы соғыс болып отыр. Еуропаның қожайындары Украина соғысты жалғастырғанын қалайды", — деді Орбан Ұлттық мереке қарсаңында сөйлеген сөзінде.