АҚШ-тың Йемендегі әуе шабуылдарынан құрбан болғандар саны 53 адамға жетті. Бұл туралы елдің Денсаулық сақтау министрлігі мәлімдеген, деп хабарлайды 24kz.

Қаза тапқандар арасында 5 бала мен 2 әйел бар. Ел астанасы Сана мен бірнеше провинция атқыланды. Йеменде әскери операция бастауға АҚШ президенті 15 наурызда ресми түрде пәрмен берген. Мақсаты – хуситтердің Қызыл теңіздегі сауда кемелеріне шабуылын тоқтату. АҚШ Конгресінің мәліметі бойынша хуситтер палестиналық ХАМАС тобын қолдау мақсатында 1 жылда 190 шабуыл жасаған. Олар жақында Газа секторында гуманитарлық көмек жеткізуді тоқтатқан. Израильдің кемелеріне жаңа соққылар беруге дайын екенін ескертті. Хуситтердің көсемі, сондай-ақ, Қызыл және Араб теңіздеріндегі америкалық кемелерді де нысанаға алатынын айтты.