Милей Трамптың стратегиясын толық ұстануға көшкен .

Аргентина басшысы Хавьер Милей АҚШ президенті Дональд Трамп пен Украина басшысының дау-дамайынан кейін Владимир Зеленскиймен түскен ортақ суреттерін X әлеуметтік желісінен өшіріп тастады, деп хабарлайды inbusiness.kz сайты.

RTN жазуынша, Милей Трамптың стратегиясын толық ұстануға көшкен. Осылайша өз аккаунтын Зеленскиймен түскен суреттерінен және оған қатысты жазбалардан тазартқан.

"Милей Украинамен дипломатиялық қарым-қатынасты үзуге әрі Владимир Зеленскиймен түскен барлық фотосуреттерін өшіруге бұйрық берді", — делінген материалда.

Осыған дейін де Аргентина президенті АҚШ-тың соңынан елін дүниежүзілік денсаулық сақтау ұйымынан шығаруға шешім қабылдаған болатын.