2025 жылдың 17 наурызында Қасым-Жомарт Тоқаев Қазақстанның Дүниежүзілік сауда ұйымындағы жаңа тұрақты өкілін тағайындады, деп хабарлайды Zakon.kz.

Бұл қызметке Қайрат Төребаев тағайындалды.

Мемлекет басшысының Жарлығымен Қайрат Қалмұқаметұлы Төребаев Дүниежүзілік сауда ұйымы мен халықаралық экономикалық ұйымдар жанындағы Қазақстан Республикасының Тұрақты өкілі лауазымына тағайындалды, – деп жазылған ресми ақпаратта.

Қайрат Төребаев 1979 жылы Алматыда туған.

2000 Қазақ Мемлекеттік Басқару Академиясын және 2012 жылы Берн Университетінің Дүниежүзілік Сауда Институтын бітірген. Мамандығы – халықаралық экономист, халықаралық құқық және экономика магистрі.

2001 жылдан 2012 жыл аралығында ҚР Сыртқы істер министрлігі жүйесінде жұмыс істеді.

2012 жылдан 2014 жыл аралығында ҚР экономикалық даму және сауда министрінің кеңесшісі, ҚР экономика және бюджеттік жоспарлау министрлігінің халықаралық ынтымақтастық департаменті директорының орынбасары, директоры қызметтерін атқарды.

2014 жылдың қазанынан бастап қазірге дейін ҚР Ұлттық экономика министрлігінің халықаралық ынтымақтастық департаментінің директоры ретінде болып жұмыс істеді.

2019 жылғы маусымнан бастап Қазақстан Республикасы Ұлттық Банкінің халықаралық ынтымақтастық департаментінің директоры болып жұмыс істеді.

2019 жылғы шілдеден бастап Қазақстан Республикасы Сауда және интеграция Вице-министрі.

2020 жылдың 3 наурыздағы "QazExpoCongress" ҰК" АҚ Директорлар кеңесінің мүшесі болып сайланды.

Қазақстанның Дүниежүзілік сауда ұйымындағы тұрақты өкілі ретінде ол 2025 жылдың ақпан айының соңында Қазақстан Республикасының Стратегиялық жоспарлау және реформалар агенттігін басқарған Әсет Ирғалиевті ауыстырды.