Қазақстан президенті Қасым-Жомарт Тоқаев Солтүстік Македония Республикасының Президенті Гордана Сильяновска-Давковаға көңіл айту жеделхатын жолдады, деп хабарлайды Zakon.kz.

Бұл туралы 2025 жылдың 17 наурызында Ақорданың Telegram-каналында белгілі болды.

"Қасым-Жомарт Тоқаев Кочани қаласында болған өрттен көптеген адамның қаза тапқаны туралы суыт хабарды терең күйзеліспен қабылдағанын жеткізді. Мемлекет басшысы Қазақстан халқының және жеке өз атынан Солтүстік Македония Президенті Гордана Силяновска-Давковаға және жақындарынан айырылған отбасыларға көңіл айтып, жарақат алған азаматтардың тезірек сауығып кетуіне тілектестік білдірді", – деп жазлыған ресми ақпаратта.

Кочани қаласындағы түнгі клубтағы өрт 2025 жылдың 16 наурызына қараған түні болды. Оқиға салдарынан 50-ден астам адам қаза тапты.