Дүйсенбі, 2025 жылғы 17 наурызда Ресей президентінің баспасөз хатшысы Дмитрий Песков Владимир Путин мен АҚШ президенті Дональд Трамптың телефон арқылы сөйлесуі қашан жоспарланғанын мәлімдеді, деп хабарлайды Zakon.kz.

Песковтың айтуынша, әңгіме 18 наурызға жоспарланған.

"Иә, бұл шынымен де солай. Мұндай әңгіме сейсенбіге дайындалып жатыр", – деді ол ТАСС агенттігіне Трамптың жоспарланған әңгіме туралы мәлімдемесіне түсініктеме беруді сұрағанда.

Трамп бұған дейін журналистерге сұхбат барысында украиндық қақтығыс аясындағы аумақтық және инфрақұрылымдық мәселелерге ерекше назар аударуға ниетті екенін айтқан.

Путин мен Трамптың соңғы телефон әңгімесі 12 ақпанда болған. Екі ел басшылары бір жарым сағат бойы Украина мәселесін, сондай-ақ екі ел арасындағы қарым-қатынаста қордаланып қалған мәселелерді талқылады. Содан кейін Ресей Федерациясы мен АҚШ президенттері байланыстарды жалғастыруға, соның ішінде жеке кездесулер ұйымдастыруға келісті. Осы келісімдер аясында Трамптың арнайы өкілі Стивен Виткофф Мәскеуде Путинге барды.