0:00:00

Жаңалықтарды Telegram арнамыздан оқыңыз !

Шымкент қаласында қоғамдық көліктердің жұмысына бақылау күшейтілді. Өйткені шаһарда автобустардың жолға шықпай қалуы, жүргізушілердің көлікті аялдамадан тыс жерге тоқтатып, жолаушы мінгізуі немес түсіруі және техникалық жарамсыздығына байланысты тұрғындар тарапынан шағымдар көбейген. Осындай міндеттемелерді орындамаған көлік компанияларының әрекетіне қатысты 11 мыңнан аса акт толтырылып, 760 миллион теңге айыппұл салынған. Мұнан бөлек жолаушылар тасымалымен айналысатын мекемелер белгіленген кестені ұстанбаған қоғамдық көліктер үшін 2,3 миллиард теңге айып төлеуге мәжбүр болған. Қазір шаһарда 79 әлеуметтік бағыт бойынша мыңға тарта автобус күнделікті қала халқына қызмет көрсетеді. Жолаушылар тасымалымен 11 компания айналысады.

Сәрсен Құранбек, қала әкімінің орынбасары, ресми өкіл:

Билетсіз жолаушыларды тасымалдағаны үшін 3 мың 4 акті толтырылды. Шымкент қаласы бойынша көлік бақылау инспекциясы түзген хаттамаларға сәйкес 6-8 млн теңге айыппұл өндірілген.

Ғани Қалмахан