ҚМА Шымкент қаласы бойынша департаменті Nazira Gold қаржы пирамидасының қызметін тоқтатты, — деп хабарлайды Massaget.kz тілшісі.

Мән-жай

Өздерін зергерлік бұйымдар сатумен айналысатын компания ретінде таныстырған күдіктілер салымшыларға салған сомаларынан 20-40% көлемінде ай сайынғы табысқа уәде берген. Алайда шын мәнінде төлемдер сатудан түскен пайдадан емес, жаңа қатысушылардың салымдарынан жүзеге асырылған.

Нәтижесінде қаржы пирамидасына 4 мыңнан аса салымшы тартылған.

ҚМА пікірі

Агенттік мәліметінше, бұл табысқа күдіктілер екі пәтер, тұрғын үй және 10 көлік сатып алған.

"Тінту барысында 374 миллион теңге қолма-қол ақша және құны 300 миллион теңгеден асатын 12 келі алтын бұйымдар тәркіленді", — деп жазылған хабарламада.

Күдіктілер екі айға қамауға алынды. Соталды тергеу жалғасып жатыр.

Еске салайық, бұған дейін ҚМА Бас прокуратураның үйлестіруімен Asar Baspana қаржы пирамидасының қызметін тоқтатты.

Аптаның басты оқиғалары мен пайдалы видеоларды көру үшін YouTube арнамызға жазылыңыз