18 наурызда Алматыда Папанин мен Енисей көшелерінің қиылысында мопед жүргізушісі жол апатына ұшырады, деп хабарлайды Zakon.kz.

Kia Rio көлігі Енисей көшесімен шығыс бағытта келе жатқан.

Папанин көшесіне жақындаған кезде көлікті тізгіндеген қыз автобус жолағымен солтүстік бағытта жүріп бара жатқан мопедті байқамай қалған.

Мопедші де көлікті аңғармай қалған.

Куәгерлердің айтуынша, Kia-ның бүйіріне қатты соғылған жүргізуші көліктің жанына құлап кеткен, ал мопед жігіттің үстіне құлаған.

Осы кезде мопед жолаушысы көліктің төбесіне ұшып кеткен. Оны дәрігерлер қарап, үйіне жіберді.

16 жастағы мопед жүргізушісі ғана ауыр жарақат алған. Ол №4 қалалық ауруханаға жатқызылды.

Оқиға орнында жол полициясының қызметкерлері жұмыс істеп жатыр.

Ауданда аздаған көлік кептелісі байқалады.