Бұл тізім Қаржы министрлігінің Мемлекеттік кірістер комитеті ресми www.kgd.gov.kz сайтына шықты.

Негізінен, өз қызметі және шетелдік көздерден алынған ақша қаражаты туралы есептерді ұсыну әлемдік тәжірибеге сәйкес келеді, деп хабарлайды inbusiness.kz сайты.

Жалпы, 2023-2024 жылдары 295 адам мәліметтерді ұсынған, оның арасында тұрақты түрде – 118 тұлға, мерзімді – 96, бір реттік – 81 тұлға.

– 2023 жылы шетелдік көздерден ақша және (немесе) мүлік алу туралы мәліметтерді 28,7 млрд теңге сомасына 267 тұлға ұсынды (2023 жылғы 1 жартыжылдықта – 14,3 млрд теңгеге 239 адам, 2023 жылғы 2 жартыжылдықта – 14,4 млрд теңгеге 192 адам). 2024 жылы шетелдік көздерден ақша және (немесе) мүлік алу туралы мәліметтерді 27,2 млрд теңге сомасына 218 тұлға ұсынды (2024 жылғы 1 жартыжылдықта – 13,6 млрд теңгеге 192 адам, 2024 жылғы 2 жартыжылдықта – 13,6 млрд теңгеге 200 адам), – делінген Мемлекеттік кірістер комитеті таратқан хабарламада.

Бұл қадам азаматтардың мемлекетке де, үкіметтік емес ұйымдарға да сенімінің деңгейін арттыруға бағытталып отыр.

– Өз қызметі және шетелдік көздерден алынған ақша қаражаты туралы есептерді ұсыну туралы талаптар әлемдік тәжірибеге сәйкес келеді, – деп жазылған хабарламада.