Талдықорғанда ұлттық киім үлгілері көпшілік назарына ұсынылды, деп хабарлайды 24kz.

Халық әртісі Бикен Римованың кимешегі, камзолы мен көйлегі де бар. Облыстық тарихи-өлкетану мұражайының қызметкерлері экскурсияға келген оқушыларға көне жәдіргерлердің тарихы мен мән-мағынасын түсіндірді. Ұлттық киім арқылы адамның әлеуметтік мәртебесі мен отбасылық жағдайын білуге болатынын айтты. һ Халқымыздың салт-дәстүрі мен дүниетанымы киімінде көрініс тапқанын атап өтті. Ал, жетісулық өлкетанушылар ұйымдастырған көрмеге XVII ғасырдағы шапан қойылды. Мамандар көненің көзіндей болған заттарды сақтау әдәстерін де көрсетті.

Қажет Андас, «Жетісу өлкетанушылары орталығы» қоғамдық бірлестігінің жетекшісі:

- Бұл шара не үшін жасалды дегенде Ұлттық бірегейлікті сақтаудың жолы бұл. Жастарға осыны үйрету. Екінші жастарға ата мұраларымыздың құндылықтарын жеткізу. Үшінші аталарымыздың жәдігерлерін сақтаудың жолын үйрету. Осы мақсатта көрме-фестивальді ұйымдастырып отырмыз.