Бұл туралы қалалық Денсаулық сақтау басқармасы хабарлады, деп жазады inbusiness.kz сайты .

Астанада лифт ішінде психикалық ауытқуы бар жасөспірімнің шабуылына ұшыраған 5 жасар бала емделіп шықты. Енді ол ұлттық балаларды оңалту орталығына жіберілмек.

– 2025 жылғы сәуір айында баланы ұлттық балаларды оңалту орталығына жатқызу жоспарланып отыр, – деп мәлімдеді басқарма өкілдері.

2024 жылдың 11 ақпанында елордадағы тұрғын үйлердің бірінің лифтінде жасөспірім 5 жасар баланы пышақтаған. Кейін белгілі болғандай, шабуыл жасаған жасөспірім психикалық ауытқуына байланысты арнайы есепте тұрған. Дәрігерлер балаға шұғыл ота жасап, психологиялық көмек көрсетті. Қазіргі уақытта шабуыл жасаған жасөспірім психиатриялық стационарда.

Денсаулық сақтау министрінің орынбасары Ержан Нұрлыбаев жасөспірімнің қоғамға бейімделген ортада болғанын атап өтті.

Кейінірек жасөспірімнің жалғызбасты анасының оны психикалық денсаулық орталығына жатқызғаны және ұлын ұрғаны жөнінде полицияға шағым түсіргені анықталды.