Белгілі мәдениет зерттеушісі,этнограф, жазушы Болат Бопайұлы 65 жасында дүниеден озды. Қаралы хабарды журналист Біләл Қуаныш әлеуметтік желідегі парақшасында жеткізді, деп жазады Egemen.kz.

Болат Бопайұлы 1960 жылы Қытай елінде Ертістің сағасындағы Көктоғайда туып өскен. Жоғары білім алған соң Шынжаң өлкесіндегі оқу-ағарту ісіне атсалысты. Алғашқы шығармалары сол жақта жарық көрді. Атамекенге оралған соң этнография саласымен терең айналысты.

Оның артында қазақ этнографиясына байланысты «Қазақ мінезі», «Қазақ кәдесі», «Қазақы түс жору», «Бастаудан бақиға дейін», «Қазақтың гүл мәдениеті», «Қазақ наурызнамасы», «Қазақ аспан есебі» сияқты оннан астам кітаптары қалды.