Ауа райының күрт өзгеруіне байланысты еліміздің 3 облысындағы жолдарда көлік қозғалысына шектеу қойылды, деп хабарлайды 24kz.

Нақтылай айтсақ, Қарағанды облысында 350 шақырымға созылған автожол, Қостанай облысында 88 шақырымдық және Ұлытау облысында 215 шақырымдық жолдарда көлік кептелісі туындады. Салдарынан Астана – Алматы – Қарағанды бағытындағы жолда 70 көлік қалған. Жалпы алғанда, республикалық деңгейдегі автожолдардың 653 шақырымына шектеу қойылды. Қазір жолда қалған азаматтарды құтқару үшін 800-ден астам техника мен 2 мыңға жуық адам жұмылдырылған. Сол себепті мамандар боранды күндері алыс жолға шықпауды ескертеді.