Қала мэрі президенттік сайлауда оппозиция атынан үміткер болуы тиіс еді.

Түркия полициясы Ыстанбұл мэрі Экрем Имамоғлуды ұстады. Оппозиция мұны "мемлекеттік төңкеріс" деп отыр, деп хабарлайды inbusiness.kz сайты.

Имамоғлу қылмыстық ұйымды басқарды, сыбайлас жемқорлыққа жол берді деп айыпталды. Оппозициялық партия биліктің бұл әрекетін "мемлекеттік төңкеріс" деп атады.

Ыстанбұл прокуратурасы алғашқы тергеу аясында жалпы саны 100 адам, оның ішінде журналистер мен кәсіпкерлер қылмыстық әрекеттерге қатысы бар деп күдіктелгенін хабарлады.

Екінші тергеу барысында Имамоғлу мен тағы алты адамға Түркия мен оның батыс одақтастары террористік деп санайтын ұйымға көмек көрсетті деген айып тағылғаны айтылған.

54 жастағы саясаткер алдағы күндері 2027 жылға жоспарланған президенттік сайлауда оппозициялық партия атынан кандидат болып жариялануы тиіс еді. Ел арасында оны Режеп Тайип Ердоғанның басты бәсекелесі деп атайды.

Елдегі ахуалға байланыс түрік лирасының бағамы 12%-ға төмендеп, осылайша бұрын-соңды болмаған деңгейге жетті.

Human Rights Watch адам құқықтарын қорғау ұйымы Экрем Имамоғлу мен қала әкімшілігінің басқа қызметкерлерінің ұсталуын айыптап отыр.