Финляндия тағы да әлемдегі ең бақытты елдер рейтингінің көшін бастады, деп хабарлайды El.kz ақпарат агенттігі.

Бұл ел қатарынан сегізінші рет бірінші орынға ие болды. Екінші орынды Дания, ал үшінші орынды Исландия иеленді.

Ал Қазақстан 43-орында тұр.

Рейтинг 20 наурызда атап өтілетін Халықаралық бақыт күніне орай БҰҰ тапсырмасымен жарияланды. Тізімді жасау кезінде жан басына шаққандағы ЖІӨ, әлеуметтік қолдау деңгейі, өмір сүру ұзақтығы және жұмысқа орналасу кепілдігі сияқты факторлар ескеріледі. Сарапшылар үш жыл ішінде жиналған орташа көрсеткіштерге сүйенеді.

Бұл рейтинг 2012 жылдан бері жыл сайын Дүниежүзілік бақыт туралы есепте жарияланып келеді.

Тізімнің соңында биыл да, былтырғыдай, Ауғанстан тұр – 143-орын.