22 наурыз күні сағат 20:30-дан 21:30-ға дейін Қазақстанның экология министрлігі азаматтарды "Жер сағаты" экологиялық акциясына қосылуға шақырады .

Бұл жаһандық бастама климаттың өзгеруі мен қоршаған ортаны қорғау мәселелеріне қоғамның назарын аударуға бағытталған, деп жазады inbusiness.kz сайты.

Акция аясында миллиондаған адам жарық пен электр құрылғыларын өшіріп, табиғатты сақтауға үлес қосады.

Министрлік халыққа үндеу жасап:

– Үйіңіздегі жарықты бір сағатқа сөндіріңіз, бұл туралы жақындарыңызға айтыңыз. Табиғатқа ұқыпты қарау – әрқайсымыздан басталады, – деп атап өтті.