Референдумға тұңғыш рет 16-17 жастағы қала тұрғындары қатыса алады .

Парижде бүкілхалықтың референдум өтеді. Онда қаланың 500 көшесін жаяу жүргінші жолы ету мәселесі қаралады.

Reuters.com жазуынша, бұл соңғы жылдардағы үшінші референдум болмақ. Қала билігі оны көлік қолданысын шектеу және ауа сапасын жақсарту аясында қолға алып отыр.

Биылғы референдумның ерекшелігі – оған 16-17 жастағы қала тұрғындары да қатыса алады. Бұған дейінгі референдумдарға қатысудың ең төменгі жасы 18 жас болатын.

"Егер референдумда оң шешім қабылданатын болса, Париж көлік тұрақтарындағы 10 мыңға жуық орыннан айырылады. 2020 жылы да шамамен осы көлемде тұрақ орындары жойылған болатын. Нақты қандай көшелердің жаяу жүргіншілерге арналған көше болатыны әлі белгісіз", – делінген Reuters материалында.