Рейстегі бір жолаушының денсаулығы сыр берген.

Air Astana әуе компаниясының ұшағы Бакудегі Гейдар Алиев атындағы халықаралық әуежайға мәжбүрлі түрде қонды.

Бұл туралы әуежайдың баспасөз қызметі хабарлады, деп жазады inbusiness.kz сайты ТАСС-қа сілтеме жасап.

Ақпаратқа сәйкес, Тбилисиден Алматыға қарай бағыт алған Airbus A321 ұшағының капитаны Гейдар Алиев атындағы халықаралық әуежайға мәжбүрлі түрде қонуды сұраған. Бұған борттағы бір жолаушының денсаулығының күрт нашарлауы себеп болған.

Тиісті сұрау түскеннен кейін әуежайдың дағдарыс орталығы мобилизацияланып, шұғыл қызметтер үйлестіріліп, барлық қажетті қауіпсіздік шаралары қабылданған. Ұшақ жергілікті уақыт бойынша сағат 00:25-те сәтті қонды.

Жолаушыға медициналық көмек көрсетіліп, кейін жедел жәрдем бригадасына тапсырылды, одан әрі тексеру үшін қалалық ауруханалардың біріне жеткізілді.

Air Astana компаниясының шешімімен Алматыға ұшатын рейс уақытша кейінге қалдырылды. Қалған жолаушы қонақ үйге орналастырылды.