Астана спортшылары шорт-тректен жасөспірімдер арасындағы әлем чемпионатында тарихи жетістікке қол жеткізді, деп хабарлады Skifnews.kz ақпарат порталы.

Елорда әкімдігнің мәліметінше, Канададағы Калгари қаласында жасөспірімдер арасында шорт-тректен әлем чемпионаты өз мәресіне жетті. Бұл додада Қазақстан құрамасы айтарлықтай жетістікке қол жеткізіп, ерлер арасындағы 3000 метрлік эстафетада және аралас командалық 2000 метрлік эстафетада тарихи қола жүлдені иеленді.

Ел намысын қорғағандардың қатарында Дінмұхамедәлдияр Тәжібай, Нұрлан Қайырбеков, Мақсат Уәлиулла және Богдан Вехов болды.