Абырой болғанда, әуе кемесіндегі ұшқыштар да, үшінші жолаушы да сәтті катапульталанып, қауіпсіз жерде орналасып үлгерген .

Мұны елдің қорғаныс министрі Себастьян Лекорню хабарлады, деп жазады inbusiness.kz сайты.

AFP басылымы Францияның шығысында "Патруль де Франс" пилотаждық командасына тиесілі екі Alpha Jet ұшағы оқу-жаттығу ұшуы кезінде соқтығысқанын жазады.

Себастьян Лекорню оқиғаның салдарын жою үшін Ішкі істер және Қорғаныс министрліктерімен бірге төтенше жағдайлар қызметі де жұмылдырылғанын да жеткізді.

– Ұшақтардың бірінде болған ұшқыштар да, үшінші жолаушы да сәтті катапульталанып, қауіпсіз жерде орналасқан, – деп жазды ол Х әлеуметтік желісінде.

Францияның қорғаныс министрінің сөзінше, оқиға айтарлықтай зардап әкелмеген және ұшқыштар жеңіл жарақат ғана алған.