Жарылыс салдарын жою барысында жанбай қалған, жарылу қаупі бар жарылғыш заттар әлі де табылып жатыр.

Арыс қаласындағы №44859 әскери бөлімінің арнайы техникалық аумағында тасымалдауға аса қауіпті болып табылатын жарылғыш заттарды жою жұмыстары жүргізілетінін, хабарлайды inbusiness.kz сайты.

Аталған әскери бөлімнің ресми өкілдерінің хабарламасына сәйкес, жоспарлы залалсыздандыру жұмыстары 2025 жылы 27 наурыз бен 8 қараша аралығында күнделікті сағат 9.00 мен 18.00 аралығында жүргізіледі.

Оқ-дәрілерді жою жұмыстары кезінде тек дыбыстық әсер мен қара түтін болады. Арыс қаласы тұрғындарына төніп тұрған қауіп жоқ.

Залалсыздандыру жұмыстары қорғаныс министрлігінің арнайы мамандарының бақылауында болады.

Жалған ақпарат таратушылар заңға сәйкес жауапкершілікке тартылатынын ескертеміз.