Мемлекет басшысы «Ұлы Отан соғысындағы Жеңіске 80 жыл» бірыңғай мерекелік медалі» туралы Жарлыққа қол қойды.

Аталған Жарлыққа сәйкес, Ұлы Отан соғысының ардагерлері, тыл еңбеккерлері және өзге де адамдар жоғарыда аталған марапатпен наградталады. Мерекелік медальді Қазақстан Республикасының Президенті атынан және оның тапсырмасы бойынша тізімдер бекітілген күннен бастап алты айдан кешiктірілмейтін мерзiмде жергілікті атқарушы органдар табыс етеді. Мерекелік медаль наградталатын адамдардың тізімге енгізілген жері бойынша табыс етіледі. Наградталатын адамға мерекелік медальмен бірге медальдың куәлігі де табыс етіледі.