Әнші Жасұлан Базарбаев қызына аутист диагнозы қойылғанын мәлімдеген еді.

Бұл туралы Caravan.kz медиа порталы хабарлайды.

Көпшілікке ағынан жарылып, жеке өміріндегі құпияны ашқан әнші қызының сөйлемейтінін, бірақ кез келген тілде ән айта алатынан айтты. Сондай-ақ, ол балшы мен емшілерге бару мәселені шешпейтінін, тек ақшаға үміт сатып алу екенін де жасырмады.

«Құрметті оқырман! Қызымның ән айтып тұрған видеосының астына неше түрлі “емші”, “құтқарушы”, “шипа беремін” дейтін адамдар жаппай пікір қалдырып жатыр. Мен сіздерге бір шындықты айтқым келеді. Біз осы 9 жылда бармаған жер, баспаған тау қалдырмадық. Қақпаған ем-дом, алмаған “молда”, “балшы”, “энергетик”, “дәруіш” қалмады.

Бірақ ешқайсысы нәтиже берген жоқ. Тек қарапайым халықтың қалтасын қағып, үмітін сатып алып жатқаннан басқа түк те істеп жатқан жоқ. Кейбіреулер – “көршісінің үйі өртеніп жатқанда, бас ұйытып алатын” жаман көрші сияқты. Өзгенің қайғысын пайдаланып, пайда табуды ғана ойлайды.

Әрине, бәріне топырақ шашпаймын, ішінде шын жанашыр адамдар да бар. Бірақ емшісымақтар, сіздерге бір-ақ нәрсе айтқым келеді: Өмірдегі ең жаман нәрсе – адамның үмітін ұрлау.

Ата-ана баласына үмітпен қарайды. Ал сендер сол үмітті жалған уәдеңмен өшіріп жатырсыңдар. Бұл – жақсылыққа апармайды. Құрметті ата-аналар, осындайларға сене бермеңіздер. Үмітіңізді ақшаға айырбастамаңыздар», — деп жазды ол Instagram желісіндегі парақшасында.