Австралияда «Альфред» дауылы салдарынан мыңға жуық мектеп жабылып, қоғамдық көлік жүрісі тоқтатылды, деп хабарлайды 24kz.

Әуе рейстері де кейінге шегерілді. Қазір тропикалық дауыл елдің шығыс жағалауына жеткен. 1-2 күнде құрлықтың ішкі аудандарына қарай соғады деп болжанып отыр. Осы кезде желдің жылдамдығы сағатына 155 шақырымнан асуы мүмкін. Жаңбыр жауып, кей мекендерді су басады деген қауіп бар. Осыған байланысты елдің шығысындағы Квинсленд және Жаңа Оңтүстік Уэльс штатының тұрғындары алдын ала қамданып, дүкендерден бірнеше күнге жететін азық-түлік сатып алып жатыр.