Amanat партиясының бастамасымен еліміздің барлық өңірінде «Таза бейсенбі» экологиялық акциясы өтіп, қоршаған ортаны қорғау және экологиялық мәдениетті дамыту бағытында жүйелі жұмыстар жалғасуда, деп хабарлайды 24kz.

Бұл іс-шаралар Мемлекет басшысы Қасым-Жомарт Тоқаевтың «Таза Қазақстан» жалпыұлттық бастамасы аясында жүзеге асып жатыр. Игі шара Абай, Қостанай,Түркістан, Батыс Қазақстан облыстары, Алматы, Шымкент қалаларында өтті. Онда партия белсенділері, мемлекеттік қызметкерлер, студенттер мен тұрғындар саябақ аумағын қардан аршып, қарт кісілерге қол ұшын созып, еңбек ардагерлері мен мүмкіндігі шектеулі жандардың үйлері мен аулаларын тазартты. Amanat партиясының экологиялық акциялары тек қоршаған ортаны қорғауға ғана емес, қоғамдағы әлеуметтік жауапкершілікті арттыруға да ықпал етуде. Бүгінге дейін эко-акция аясында республика бойынша 90 мың тонна қоқыс шығарылып, игі іске 50 мыңнан аса адам атсалысты.