Бұзақылар болған оқиғаны видеоға түсірген.

Теміртау қаласында бір топ жасөспірімнің жалғызбасты қарттың үйіне баса көктеп кіріп, оны сабап тастағаны туралы ақпарат тарады, деп хабарлайды inbusiness.kz сайты.

Egov.press хабарлауынша, жасөспірімдер қарияны ұрып-соғып, болған оқиғаны видеоға түсірген. Жергілікті тұрғындар бұзақылардың өздерін электрик деп таныстырып, қарияны алдағанын айтып жатыр. Қарт адам жалғыз тұрады, оның жақындары қайтыс болған.

Оқиғаға қатысты полиция пікір білдірді.

"Кәмелетке толмағандардың барлығы анықталып, заңды өкілдерімен бірге Теміртау қалалық полиция бөліміне жеткізілді. Бұл дерек бойынша 29 наурызда қылмыстық іс қозғалды", — деп хабарлады Қарағанды облысының полиция департаменті.