Шымкент қалалық опера және балет театрының директоры, опера әншісі Майра Мұхамедқызы сатқын адамдармен жұмыс істеудің қиын екенін айтты.

Бұл туралы ол әлеуметтік желідегі парақшасында жазды, деп хабарлайды Caravan.kz медиа порталы.

Өнер иесінің айтуынша, оның ішкі ахуалы денсаулығына да әсер ете бастаған .

«Жуырда спорт залдан хамамға кіріп орамалды еңкейіп алғаным сол-ақ еді белім тырс ете қалды. Содан бір апта орнымнан тұра алмай жатып қалдым. Салмаған укол, ішпеген дәрі, түспеген МРТ қалмады. Соңында бәрі кері әсер беріп, ісініп, ауырып болмағасын больничныймен Лена досымның ақылын тыңдап, өз өзімді қолыма алуға тура келді. Бәрін тастап, Астанадағы үйіме келдім. Тибеттің шөп дәрісін қабылдай бастадым. Аяғымнан тұрдым. Ісік бәрі қайтты. Көңіл күй жәйлап орнына келе бастады…

Осының бәрі күнделікті күйбің тірлік, қайнаған атыс шабыс жұмыстан. Өмірде ең қиын сорақы іс екі беткей сатқын адамдардың ортасында жұмыс істеу. Соғыс майданында жүргендей қай күні қай жерден граната басып кетер екем деп алаңдаған уайымда жоқ емес. Қазір әуелі шақырған жерге де бармайтын болдым. Өйткені, қонаққа бара қалсаң жұрттың қолында телефон сені мергендеп тұрады. Бәленің бәрі тілде демекші өз басыма бәле тауып алмайыншы деп сасқалақтап айтқан тілегімді өзім түсінбей қалатын болдым.

Баяғыда ауылда бір шал жалғыз өзі жүреді екен. Неге жұртпен араласпайсыз десе, сөйлесетін адам таппай жүрмін дейді екен. Ия, өз деңгейіңдегі адаммен сөйлесе білу достаса білу де бір ғанибет! Өмір жолымда небір керемет тұлғалар болды сәулесін шашқан. Лаулап тұрушы ем. Ол кезде менде асқақ арман, мінез, сұлулық, сенім, рух дух болатын. Қазір жоғалтып алған секілдімін… Өйткені маңымда өзім секілді жанып тұрған қиялшыл арманшыл іскер өнерді сүйетін қолдайтын адал жандар қалмағанда жаныңда тәнің де ауыра бастайды екен…», — деп жазды ол.

Әнші өзінің бұрынғы болмысын сағынғанын да жасырмады.

Бүгін үйде альбомды ақтарып отырып баяғыдағы жаны таза ажарын күлкі үйірген мінезді Майраға көзім түсті… Қайтадан өзіме ғашық бола бастадым… 1-Фотодағы көйлекті жолдасым Банкогтан әкелген сыйлығы болатын. Көйлектің арқасы түгелдей ашық бүкіл арқа жалаңаш. Қалай жүргем деші қысылмай. 2-Фотодағы көйлек бүкіл жері жабық. Қытайдың ШенДжен қаласында жалғыз фабрика. Италия мен Францияның бренд киімдерін қолмен тастарды бір бірлеп тізіп тиккен зілдей ауыр көйлектер еді. 90жылдың басында, Қытайдың жұлдыздарымен сол қалаға концертпен барғанымызда қала әкімі бізді фабрикаға экскурсия жасатып сыйға тартқан кәдесі. Сахнаға шығарда жұрттар қолмен ұстамай қоймайтын таңырқап. Её, тарих деген осы де!», — деп жазды ол.

Ал, Майра Мұхамедқызының тыңдармандары мен желідегі оқырмандары оған Шымкент қаласынан көшуге кеңес беруде.

«Сол Шымкенттен кетіңізші. Сіз жүретін жер емес. Майра, сізді ерекше құрметтеймін», «Шымкент — сырты күлкі, іші түлкі, көбі сондай зұлым, алдауға жақын, сондықтан олардың имиджи нашар!», «Қызық, сізді өңірге жіберу кімнің идеясы болды екен. Мүмкін сіздің Астанада жарқырап жүргеніңізді қаламайтындар бар шығар»,»Бірдеңе болса Шымкентті жамандап шығады екенсіңдер, жақпаса, көшіңдер», «Қытай жағын мақтай береді. Қыдайда жақсы болса неге келдің. Шымкентте кім ұстап тұр сені. Нанын жеп суын ішіп отырып осы сырттан келгендер ақ Шымкентке тіл тигізгендеріңді қоймайсыңдар. Ұнамайма жолың ашық», — деп жазды олар.