Көктем келіп, күн жылынды. Алайда саябақта және табиғатта серуендеу кезінде сақтық шараларын сақтаған жөн. Бұл туралы мамандар айтты, — деп хабарлайды Massaget.kz тілшісі Алматы қалалық Қоғамдық денсаулық сақтау басқармасына сілтеме жасап.

№4 қалалық клиникалық аурухананың қабылдау бөлімінің меңгерушісі Магадин Хайроев маңызды кеңес берді.

"Өз денеңізден немесе балаңыздың денесінен кене тапсаңыз, өздігіңізден алып тастауға тырыспаңыз. Дереу тіркелген жеріңіздегі тәулік бойы жұмыс істейтін аурухананың травматология бөлімшесіне барыңыз", — деді ол.

Рабиолог дәрігер жәндікті денеден алып, кене энцефалитіне қарсы вакцина егеді.

Кене энцефалиті – жүйке жүйесіне әсер ететін қауіпті инфекция. Негізгі белгілері – жоғары температура, интоксикация, неврологиялық бұзылыс.

Алматыда ірі стационарлар жанынан 7 кабинет жұмыс істейді:

• №4 МКБ – Папанин көшесі, 220.
• №5 МКБ – Достық даңғылы, 220.
• Қалалық жедел жәрдем ауруханасы, Қазыбек би көшесі, 96.
• Орталық қалалық клиникалық аурухана, Жандосов көшесі, 6.
• №7 МКБ, Қалқаман ш/а 20.
• Балаларға шұғыл көмек көрсету орталығы, Манас көшесі, 40.
• № 2 Балалар қалалық клиникалық ауруханасы, № 2 ш/а, Алтынсарин даңғылы, 54.

Қызықты жаңалықтар мен видеоларды көру үшін TikTok арнамызға жазылыңыз!