Батыс Қазақстан облысы Ақжайық ауданында 700-ден аса тұрғын өздеріне тиесілі тегін дәрі-дәрмекті алмаған.

Аудандық прокуратура мұқтаж адамдардың қажетті дәрілік заттармен қамтамасыз етілмегенін анықтады, деп хабарлайды inbusiness.kz сайты.

Олар түрлі диагноздармен диспансерлік есепте тұрған. Заңбұзушылық аудандық ауруханадағы тегін медициналық көмек көлемін талдау аясында белгілі болды.

Прокуратураның қадағалауымен тегін дәрі-дәрмекпен қамту ұйымдастырылып, басқа да қажетті препараттарды алуға алдын ала тапсырыс берілді.