31 наурызда Алматыда Әл-Фараби даңғылында автокөлік жүйіткіп келіп, №68 маршруттық автобуспен соқтығысты, деп хабарлайды Zakon.kz.

Белгілі болғадай автобус аялдамада тұрған.

Жүргізуші сыртта – зақымдалған дөңгелекті ауыстырып жатқан.

Осы уақытта Әл-Фараби даңғылымен шығыс бағытта Chevrolet cobalt маркалы автокөліктің такси жүргізушісі келе жатқан.

Бір сәтте ол оң жақтағы қатарға қарай қосылмақ болып, көлікті бұрған. Алайда, қас-қағым сәтте рөлге ие бола алмай қалған.

Көлік аялдаманың жанына өтіп, тоқтап тұрған автобусқа соқтығысқан.

Соққының күштілігі сонша, автобус алға қарай біршама жылжып кеткен.

Нәтижесінде такси жүргізушісінің клиенті зардап шекті. Ол ауруханаға түсті.

Оқиға орнында жол полициясы қызметкерлері жұмыс атқарды.