1 сәуір мен 23 мамыр аралығында Қазақстанда PISA-2025 халықаралық зерттеуі өтеді. Оған еліміздің 643 білім беру ұйымдарынан 15 жастағы 24 мыңға жуық оқушы қатысады, деп хабарлайды Egemen.kz.

PISA (Programme for International Student Assessment) – 15 жастағы балалардың өмірдегі нақты мәселелерді шешу үшін оқу, математика және жаратылыстану ғылымдары бойынша білімдері мен дағдыларын қолдану қабілеттерін анықтау мақсатында өткізілетін білімалушылардың білім жетістіктерін бағалау жөніндегі халықаралық бағдарлама. Оны төртжылда бір рет Экономикалық ынтымақтастық және даму ұйымы өткізеді.

Зерттеу компьютерлік тестілеу түрінде жүргізіледі. PISA-2025-тің негізгі бағыты – ғылыми сауаттылық, сонымен қатар инновациялық бағыт. 2025 жылы мұндай бағыт «Цифрлық әлемде оқыту» (Learningin the digital World) болады.

Естеріңізге сала кетейік, PISA-2022 нәтижелеріне сүйенсек, Қазақстан Математика және жаратылыстану пәндерінен ТОП-50 елдің қатарына енді. Сондай-ақ, Қазақстанның қалалық және селолық жердегі оқушылары арасындағы білім сапасы алшақтығының төмендеуі байқалды.