Алдағы мамыр айында «Qonaev media» телеарнасы эфирге шығады, деп хабарлайды 24kz.

Алматы облыстық бұқаралық ақпарат құралы тәулігіне 12 сағат хабар таратады. Телевизиялық өнімдерінің 70% мемлекеттік тілде, қалғаны ресми тілде әзірленеді. Шығармашылық ұжым ақпараттық-сараптамалық бағдарламаларға басымдық бермек. Жаңалықтар топтамасы эфирге күніне үш мезгіл шығады. Жаңа телеарнаның ғимараты әзірге Алматыда орналасады. Қонаев қаласында арнайы медиа-орталық ашылғаннан кейін телерадиокомпания ұжымы облыс орталығына көшеді.

Қымбат Досжан, «Qonaev Media» телеарнасының бас продюсері:

- Бұның барлығы егер жақсы бір жауапкершілікпен профессионалды деңгейде жасалынса, меніңше, ерекшелік сол болмақ. Бұл жерде ешқандай да мынау тек жақсыны көрсетіп, халықты көзбояушылыққа, жаңағы «мына жері өте керемет» деп емес, шындықты айтамыз деп айта аламын. Бірақ оның барлығында баланс ұстаймыз. Өйткені қазір көп көрермен әлеуметтік желіде жазылған мәселенің барлығын шындық деп қабылдайтын кезеңде жүрміз.